Come mantegner Å‚a propria saÅ‚ute e stimoÅ‚ar l’autoguarigion

Vivemo inte na epoca de veleni, fisici e mentali.

Mantegnerse in sałute xe ła mejo maniera pa no cascar in man ai mecanismi de sfrutamento basà sui farmaci, usura, e asistensialismo in cambio de voto .

Scumisia a darghe na man al to corpo, che el pol guarir lu solo de tante malatie sia fisiche che mentałi.

Eco un poche de regole generałi che le va tolte come principi de ispirasion.
Ogniun ga da adatar ste robe a ła so vita, ai so bisogni, a łe so disponibiłità , ai soli limiti e i so aspeti positivi.
Naturalmente prima xe mejo sentir un bravo medego, ma uno bravo bravo bravo bravo come ghe ne xe pochi.

Ste regołe xe da rispetar co bon senso, e in base al stato de ła małatia se uno la ga.

1) manco tosine: ridure o eliminar fumo, alcol, cafè, grasi friti, prodoti confesionà , sucaro, roba industriale
ok 2 goti de vin de casa sensa conservanti o solfiti (bio)
ok miełe anca come forma de farmaco
sostituir se posibile i farmaci co i equivałenti fitoterapici o omeopatici

2) magnar neto e proporsionÃ
30-40% verdura e fruta BIO o de l’orto de casa sensa chimica
30% farine, anca integral, ma miste ( mais -polenta, farro, orzo, segale) ,
ridur o evitar farina 00
resto del cibo diviso in parti compagne fra pese, formajo, legumi, carne, ovi (quindi nesuna de ste robe te pol magnarla pì de 2 volte la setimana) . Tuto bio se posibile, se te ga da esagerar, mejo el pese
eliminar tuti i sucari sensa deventar mato (se pa na festa te magni un dolceto va benon)
se te ghe l’intestin pigro (stitico) magna 1-2 cuciari de crusca al dì, magari co Yogurt, e fa el masajo pa stimolar la pansa
se posibiłe magnar el 30-50% al matin, el 30-40% el mexo dì, poco o gnente la sera.
se posibiłe magnar pasta e carboidrati e pisa de jorno, proteine durante el dì, verdure ła sera

3) legero esercisio fisico:
– almanco 20 minuti de caminar al giorno (o fare le pulisie, ecc)
– 2-3 volte a setimana 30-40 minuti de corare o noar ma gnente sforsi grandi
– se te juta l’anema fa un po’ de yoga, o prega, o rilasate

4) tempo pa i to pensieri e farli positivi. Te serve pa çercar dentro de ti cosa che el to corpo vol dirte de la to vita. La malatia xe anca un modo de parlar del corpo. Pol esare che la to vita no vaga ben par ti. O no va ben el to raporto co calcheduni, o la to situasion sociał o familiar. Rivedi i to valori, vedi se te li rispeti, cambiałi se necesario, ma rispeta i altri .

5) lesere robe utili de salute: lesi robe so le to problematiche, ma anca de medicine naturali, de medicihe “olistiche”, de omeopatia, dei dani dei farmaci, ecc ecc

6) pasar del tempo co e persone giuste: el bon stare co i amisi , l’amore, Å‚a bona fameja, fa si che el to sistema imunitario el se raforsa. Cambia xente se no te te ste ben, cambia anca fameja se no te riesi sistemar Å‚e robe

7) disintosicasion: el to corpo va snetà dele scoase. El to corpo va snetà pa darghe forsa e permetarghe da solo de risolvare i problemi. Ghe xe varie tecniche pa smaltir tosine. far suade legere, saune, lavagio del colon, dele recie, del naso, respirasion pa snetar i polmoni, usar Aloe Vera e Ginko biloba, Melograno, acqua e limon fresco, ribes, purga de stagion col sale inglese (sale amaro), decoto de spagna pa’l sangue, pulisie dei reni, ecc ecc. masaji detossificanti , tute ste robe co tranquilità sensa esagerar e de tanto in tanto continue nel tenpo. El digiuno de 1 giorno serve tanto. Ghe xe digiuni pì estremi che por risolvare gravi problemi, ma anca crearli, ocore studiare e informarse. Inportanti le cure pa i vermi e parasiti: li ghemo tuti. E sì, ghemo i parasiti anca dentro! I vermi i pol dar na serie infinita de problemi, anca alergie, mal de testa, tumori ecc. 2 volte l’ano ocore far deÅ‚e cure pa i vermi, e mejo magnar ajo almanco ogni 5 giorni.

8) regolar el sono co i tenpi de l’ambiente. Dormire ben e el momento justo xe fondamental. Co se dorme el çervel sneta le scoase fisiche e mental. Xe mejo star 12 ore a digiuno al dì e in ste 12 ore dormirghe 8 pì o manco. El pisoleto del pomerijio pol jutar
Ocore magnar poco o gnente 3-4 ore prima de dormir. Svejarse col sol, ndar in leto dopo el sol.

Xe un modo de vivare ala fine , ma se ciapà un fià ala volta deventa anca un farse del ben, star in salute e vivare fełici