Nadał st’ano me porta VIA L’ITALIA

Ajornamento 2020: łe speranse de sto scrito vegneva dal fato che gavevimo deposità el ricorso pa far verificar che el Lombardo-Veneto no xe Italia, ma xe ocupà ilegalmente. in 2008 ghemo avesto la sentensa de Venessia, e ghemo dimostrà che no ghe xe titolo łegal de l’Italia so’l Lombardo-Veneto. E ghemo portà tuto in Consiglio de Europa. Purtropo el cretino de Daniele Quaglia (che stranemente i ga messo come unico referente inveçe de 24 firmatari) e el desgrassià de Franceschi l’ano drio xe nda’ via co ła testa e ga scumissià a parlar de armi e armamenti istigai da Sergio Bortotto (che li manovrava insieme co’l so amico e cołega Gallina) , e cuss’ l’operassion interforse contro l’Autogoverno l’Anno dopo ga fato perdare tuto. Nel fratanto Quaglia ga łassa che tuto el ricorso al Consiglio d’Europa cascasse. E no se pol pì ripresentar.”

“Un regało de Nadał particołare vien da st’ano a tuti i veneti : ła libertà de pensar a l’indipendensa sensa remore.

Xe farina del me saco che no go copià da nisuni, e no te ghe mai sentìa prima, e ła xe ła łibertà par tuti.

El regało xe che da sto momeno XE UFICIAŁ che ła Repubblica Italiana LEGALMENTE NO EXISTE , e eco el parché (copyrigth Loris Palmerini 2006) :

die 1946 , co ghe xe sta in italia el referendum monarchia / republica, legalmente jera tera italiana anca l’Istria, la Dalmatia co Zara, e el Quarnaro, in base al Tratato de Rapallo del 1920 http://it.wikipedia.org/wiki/Trattato_di_Rapallo_(1920)

Forse anca Corfù e el Dodecaneso jera tera Italiana, ma no inporta.

De sicuro, ISTRIA, DALMATIA CO ZARA, e ISOLE ADRIATICHE jera teritorio de stado italian, e anca se jera ocupà dai comunisti che faxeva el GENOCIDIO DEI VENETI, pa ła lexe sicuramente i çitadini de łà jera italiani co dirito de voto e i gaveva el dirito de poder votare al referendum monarchia/republica del 1946.

Che le fuse tere italiane xe dimostrà dal fato che xe sta cedue soło el 1947, co el tratato de Parigi, l’ano dopo del refendum.

Ma cuełi çitadini là no ga podesto votare cueła stesa republica che li ga cedui !

Ałora, prima domanda : come połe na republica cedare dei teritori che no i ła ga votà ? Che dirito de raprexentansa gała e gaveva cueła republica ?

Ma a parte cuesto , oltre a cuełe tere, anca Trieste, Bozen, e pararia anca TUTO EL FRIULI co PORDENONE, insoma MILIONI DE PERSONE no ga podesto votar al Referendum del 1946, ance se i jera italiani (Veneto) co dirito de voto.

Ma se un refendum cusì inportante xe fato convocando soło che na parte deła popołasion, xeo vałido ? Nein ! parché no l’espirme mia ła vołontà del popoło italiano, no xe l’espresion deła majoransa dei aventi dirito al voto, e ansi, par cuanto a tanti posa farghe schifo, probabilmente gavaria vinto la monarchia se i gavese votà anca łori.

De fato el Referendum del 1946 XE NULLO parché manca del fondamento del RISPETO deła sovranità del popoło, e de conseguensa LA REPUBLICA ITALIANA NO EXISTE LEGALMENTE.

No xe da confondere tute łe storie contà sora ła votasion, ghe xe chi dixe che xe sta falsificà el voto, altri che dixe che Togliatti ga minacià de morte el Re e la so fameja ………. tuti sti discorsi no serve gnente , parché , anca fuse sta fato ben , el REFERENDUM XE IVAłIDO IN TUTI I CASI PA MANCANSA DEI CRISMI DEŁA LEXE !

Insoma , cueło che uncuò el se dixe governo łegitimo, no ło xe , no’l xe in nisun caxo un governo republicano, par de pì eleto da pì de 10 ani co brogli eletorałi.

Ritorno deła Monarchia? No so, e no credo. Masa Comunisti, Fasisti e Democristiani, (De Gasperi jera co Togliatti !) ma de sicuro, no pol esare “tropo tardi” rirpristinar legałita e sovranità al popoło, no xe mai masa tardi. Cueło che xe certo xe che ła republica nase dała NEGASION DEL DIRITO DE VOTO e no ła xe democratica e legałe .

La republica Italiana XE UN FALSO, xe iłegitima, Xe INESISTENTE , lo dixe i diriti umani, lo dixe LA LEXE.

Cosa c’entra co i veneti ? C’entra, che no existendo ła Republica Italiana, no existe limiti de Unità d’Italia parché no existe ła Costitusion !

In pratica i Veneti i xe liberi da ogni limite, ansi, el Stato Veneto esiste xà: www.statoveneto.net e in pì tute la Venetia , co l’Istria, la Dalmatia , XE DE PROPRIETA’ der Venezianer: infato ła republica italiana no po’l dire de verła cedua parché no ła jera łegał, e gnanca i altri stati po’l dire de vere diriti legałi parché la ga ricevua da un abuxivo, ła republica Taliana.

No xe un beł regało de Nadał sta libertà ? Te regało ła certesa che presto se libaremo da l’Italia e da i altri ocupanti e tornaremo VENETIA come xe sta pa 3000 ani ! Dipende soło da nialtri: ghe riusiremo soło cuando metaremo da parte la smania de potere che tanti dimostra, e metaremo da parte anche łe persone che ga sta smania, xente che łaora soło pa’l so tornaconto personał e ała prova no ghe inatresa gnente deła xente. In fin dei conti ła republica veneta se baxava so cuesto. Masa smanià pa’l poer ? xo dał scagno!

Un Bon Nadał e bone feste a tuti.
A 2007 pien de bone sorprexe.

Loris Palmerini