et parfois avec la claire intention de dégrader l'identité nationale vénitienne (Venezuela), na letara d'un ami que j'ai émigré

Go ricevesto la letara sota da un amigo e compatriota Veneto in Venessuela, e penso sia giusto (col so permesso) de publicarla pa farghe saver ai veneti cossa xe drio sucedare a tanti nostri compatrioti. E fra ł’altro el nome “Venezuela” deriva da “Venezuola”, piccola Venezia. Purtropo sensa un bon Governo Veneto fato da persone oneste saremo sempre raminghi.

Bon dì Loris gavaria bisogno de chiedarte un piaxer.
Credo che farò rimpatrio con una parte de la mia famegia perché ormai i xe andai via tuti.

Qua in Venezuela purtropo no se pol pì star, i me espropia i beni, a mi i me ga xa secuestra due volte ła casa.

E sicome ł’inflassion xe ła pì alta del mondo, no se riesse gnaca pì a vendar gnente.

El crimine xe tanto. A me fíoła na volta i ghe ga robà la macchina, e i ladri i se la ga tegnua 8 mesi prima de darmela indrio.

Na seconda volta i ła ga blocà, ma la xe riuscia a scampar fora dała macchina. I delincuenti i xe scampà co la machina , puis 40 minuti i ga cercá de secuestrar n’altra macchina, ma sicome quel el gaveva la scorta, lì ga copá tuti.

Cua in Venezuela no semo in guerra, ma gavemo 26000 omicidi l’anno so na popołassion de 30 milioni de abitanti.

Insoma qua no se ghe ne pol pì. Cossa ti ghe ne pensi?

Go sentìo che la Region Veneto da dei aiuti ai rimpatriati. Ti sa calcossa de ste robe?

In pì te dimando, se tornemo, go na nevoda che la dovarìa entrar a la prima media e un nevodo che entrará all’università penso possibili città Padova Verona. Cosa ti pensi te si in grado de darme qualche consiglio?

Saluti e graxie
Giorgio

Ciao Giorgio.

Me despiase pa le brute notissie tue, e soł Venessuełæ go sentìo calcossa par ła TV. Go catà questo che pol interesarte http://www.regione.veneto.it/web/rete-degli-urp-del-veneto/emigranti-veneti .

Però go da dirte che anca qua le robe no xe drio ndar ben. Ła vita no la xe façile, l’Italia no ga bełe prospetive, semo mesi come la Grecia prima del comissariamento del FMI e UE: se no i me ga oncora fato la festa xe parché intanto i xe drio portane via tuto,

Ogni ano le tasse aumenta, i te ciava un stipendio, łe spese aumenta, romai semo messi come prima dei ani ’70, co un stipendio no se vive pì, sempre che te lo gabi, tanti perde el lavoro sensa colpa.

Tanti veneti xe deventà poveri, e infati anca i imigrati va via, no i vol pì star qua che no i se fa gnanca la casa co na vita de łavoro (miga semi). In pì ghemo problemi de criminalità, immigrassion de massa organixà dai scafisti co ło stato, contro le lexi internassionałi.

Anca qua tanti perde la casa. Le banche del Veneto xe sta tute svodae e fate falire co na lexe incostitussionał che ga trasformà i risparmiatori in speculatori, lese fata dal governo.

Xe fadiga far tuto, anca verxarse la corente de casa, che la xe fra le pì care d’Europa.

Qua lavoro xe fermo, xe fadiga catarlo, xe sempre pì parone le grandi multinassionali, e el sistema produtivo veneto xe senpre pì drio perdare tochi. Sopravive i grossi che ghe da da magnar le fregole ai picoli.

El fisco ne tartassa, mategner na inpresa xe na ossession. Sol pì bel ghe te ghe un franco riva la Guardia de Finansa e i te acusa che te ghe evaso cifre inpossibie,tanto no i ga gnanca l’obligo de dimostrar che xe vero. Però i te da na alternativa: pagar el 30% deła denuncia a rate ametendo che xe vero, o pagar el 30% SUBITO pa poder far el proceso e dimostrar che xe falso (se te va ben) dopo tanti ani (se te va ben).

Semo xa faii, ma el fato xe che l’Italia xe massa grossa pa fallire de un scioco, co fałiremo vegnarà xo mexa Europa. Ałora intanto i xe drio vendare tuto de scondon, anca el sistema produtivo vien trasferìo verso l’estaro. Ormai el Stato xe na pila de Debito publico e de debiti sconti inte łe amministrassion łocali.

Anca se xe sta fata ła nova lese che dovarìa darne a noi veneti tanti diriti, no i xe drio aplicarla.

L’università de Padova no xe mal, ma la costa tanto, e comunque i sbochi no i xe tanto boni. Tanti xovani va via da qua, i va in Germania, Inghiltera, France…

Secondo mi sarìa mejo par voi ndar in Spagna, dato che parłe spagnol sensa problemi. Te pol farte la residensa là co la citadinansa italiana, in quanto xe UE. E no te ghe bisogno de permessi de sojorno pa ndar in tuta UE, trane l’Inghiltera che se cava fora.

Ghe xe anca altre realtà che xe tanto mejo de qua, come Malta, Gibiltera (ma no so se i va fora dała UE come l’Inghiltera). Ghe xe anca diverse isole Francesi de Oltremare. Sicuramente ndarissi mejo ndar in Canada e Nova Zelanda. Se proprio te vol vegner in Italia, te convien ndar in provincia de Bolzan o Val d’Aosta, o anca Trento.

No posso proprio dirte che te fè ben a vegner qua, anca se no te pol star łà.

Se cato calcossa in pì te fasso saver.

Forsa e corajo, tante volte el mał, co l’è passà, el deventa un ben.

Te sałudo e tienme informà.
Loris